Psalmen 127

As de Heare it hûs net bout,

om ’e nocht wurkje de bouwers dêroan;

as de Heare de stêd net hoedet,

om ’e nocht is de wachter op syn iepenst.

₂Om ’e nocht is it,

dat jimme der ier-en-betiid ôfkomme

en let op bêd geane,

en sa it soer fertsjinne brea ite –

dy’t Er leafhat, jout Er it yn ’e sliep.

₃Sjoch wat de Heare taskikt: soannen!

en in goed lean: de frucht fan ’e memmeskurte!

₄As pylken yn ’e hân fan in held,

sa binne de soannen fan jim jonge jierren.

₅Hoe gelokkich is de man,

dy’t syn koker dêr fol fan hat.

Hy sil net foar skande stean,

as er yn ’e poarte syn tsjinstanners te wurd stiet.