Psalmen 128

Wat in gelok foar elk,

dy’t ûntsach hat foar de Heare

en dy’t op syn wegen giet.

₂Want do meist ite

wat dyn hannen beskrept hawwe.

Wat in gelok foar dy,

it stiet der goed mei dy foar.

₃Dyn frou is in fruchtbere wynstôk

by dy yn ’e hûs

en dyn bern binne olivesteklingen

by dy om ’e tafel.

₄Sa wurdt no de man segene,

dy’t ûntsach foar de Heare hat.

₅De Heare mei dy segenje út Sion wei,

dan silsto al dyn libbensdagen

it lok fan Jeruzalem sjen

₆en dyn bernsbern derby!

Frede oer Israel.