Psalmen 61

₂Harkje, o God, nei myn smeekjen,

jou acht op myn gebed.

₃Fan ierdryks einen rop ik om Jo,

wylst myn hert him bejout.

Bring my op ’e rots

dy’t my te heech is.

₄Want Jo binne myn taflecht,

in stevich bolwurk tsjin ’e fijân.

₅Mocht ik altyd gast wêze yn jo tinte

en skûlje ûnder jo wjukken.

₆Want Jo, o God, hawwe myn beloften heard;

dy’t ûntsach hawwe foar jo namme, joegen Jo wat se begearden.

₇Fermearderje de dagen fan ’e kening,

meie syn jierren geslachten lang duorje,

₈mei er ivich troanje foar Gods antlit,

jou dat genede en trou him hoedzje.

₉Dan sil ik jo namme jimmeroan besjonge

en sa myn beloften al den dei neikomme.