Joël 3

₁Dêrnei sil it sa komme, dat Ik myn Geast útstoarte sil oer al wat libbet.

Jimme soannen en jimme dochters sille profetearje,

jimme âlderein sil dreamen krije,

de jongerein fizioenen sjen;

₂ja, ek oer de slaven en slavinnen sil Ik yn dy dagen myn Geast útstoarte.

₃Ik sil wûndertekens jaan oan ’e himel en op ’e ierde;

bloed, fjoer en pylders fan reek.

₄De sinne sil yn tsjusternis feroarje

en de moanne yn bloed bywannear’t de Heare syn dei komt,

grut en ûntsettend!

₅Dan sil it sa komme, dat elk dy’t de namme fan de Heare oanropt,

behâlden bliuwt,

want op ’e berch Sion en te Jeruzalem fine se behâld,

krekt sa’t de Heare sein hat;

dy’t de Heare roppen hat, dy sille ûntkomme.