1 Kroniken 6

₁De soannen fan Levy wienen Gersjom, Kehat en Merary. ₂Dit wienen de nammen fan Gersjom syn soannen: Libny en Sjimy. ₃De soannen fan Kehat wienen Amram, Jishar, Chebron en Uzziël. ₄De soannen fan Merary wienen Machly en Mûsjy. Dat wienen de trije stamhuzen fan Levy mei har foarfaars. ₅Gersjom syn soan wie Libny; dy syn soan Jachat, dy syn soan Simma, ₆dy syn soan Joäch, dy syn soan Iddo, dy syn soan Sêrach, dy syn soan Jeäterai.

₇Kehat syn soan wie Amminadab; dy syn soan Koarach, dy syn soan Assir, ₈dy syn soan Elkana, dy syn soan Ebjasaf, dy syn soan Assir, ₉dy syn soan Tachat, dy syn soan Oeriël, dy syn soan Oezzia, dy syn soan Sjaûl. ₁₀De soannen fan Elkana wienen Amasai en Achimot; ₁₁dy syn soan wie Elkana, dy syn soan Sofai, dy syn soan Nachat, ₁₂dy syn soan Eliab, dy syn soan Jerocham, dy syn soan Elkana. ₁₃De soannen fan Samuël wienen: de âldste Joël, de twadde Abia.

₁₄De soan fan Merary wie Machly, dy syn soan Libny, dy syn soan Sjimy, dy syn soan Oezza, ₁₅dy syn soan Sjima, dy syn soan Chaggia, dy syn soan Asaja.

₁₆Dit binne de mannen dy’t David oansteld hat om it sjongen te lieden yn it hûs fan de Heare, sûnt de arke dêr rêst krige hat. ₁₇Se dienen tsjinst as sjonger foar de tintwenning fan ’e moeting oan ’e tiid ta, dat Salomo it hûs fan de Heare te Jeruzalem boude. Hja dienen dat amtswurk neffens har fêste tsjinstoarder. ₁₈Dêr moasten mei har soannen foar stean: fan de Kehatiten: de sjonger Heman, de soan fan Joël, de soan fan Samuël, ₁₉de soan fan Elkana, de soan fan Jerocham, de soan fan Eliël, de soan fan Teäch, ₂₀de soan fan Sif, de soan fan Elkana, de soan fan Machat, de soan fan Amasai, ₂₁de soan fan Elkana, de soan fan Joël, de soan fan Azarja, de soan fan Sefanja, ₂₂de soan fan Tachat, de soan fan Assir, de soan fan Ebjasaf, de soan fan Koarach, ₂₃de soan fan Jishar, de soan fan Kehat, de soan fan Levy, de soan fan Israel.

₂₄Oan Heman syn rjochterhân stie syn amtsbroer Asaf; Asaf wie de soan fan Bêrekja, de soan fan Sjima, ₂₅de soan fan Mikaël, de soan fan Baaseja, de soan fan Malkía, ₂₆de soan fan Etny, de soan fan Sêrach, de soan fan Adaja, ₂₇de soan fan Etan, de soan fan Sima, de soan fan Sjimy, ₂₈de soan fan Jachat de soan fan Gersjom, de soan fan Levy.

₂₉De soannen fan Merary, har bruorren, stienen oan ’e linkerkant, te witten: Etan, de soan fan Kisjy, de soan fan Abdy, de soan fan Mallûk. ₃₀de soan fan Chasjabja, de soan fan Amasja, de soan fan Chilkía, ₃₁de soan fan Amsy, de soan fan Bany, de soan fan Sjêmer, ₃₂de soan fan Machly, de soan fan Mûsjy, de soan fan Merary, de soan fan Levy.

₃₃Har bruorren, de leviten, wienen oansteld foar allerhanne tsjinstwurk by de tintwenning, it hûs fan God. ₃₄Mar Aäron en syn soannen lieten de offers rikje op it brânofferalter en op it rûkofferalter; hja stienen foar al it wurk yn it allerhillichste om dêrmei fersoening te bewurkjen, krektlyk as Mozes, Gods tsjinstfeint, harren opdroegen hie. ₃₅Dit wienen de soannen fan Aäron: Eleäzar, dy syn soan Pinechas, dy syn soan Abisjûa, ₃₆dy syn soan Bûkky, dy syn soan Oezzy, dy syn soan Serachja, ₃₇dy syn soan Merajot, dy syn soan Amarja, dy syn soan Achitûb, ₃₈dy syn soan Sadok, dy syn soan Achimaäs.

₃₉Dit binne har wenplakken, sa is har gebiet ôfgrinze: oan ’e neiteam fan Aäron, en wol oan it stamhûs fan ’e Kehatiten – op harren foel nammentlik it earste lot – ₄₀kaam Hebron yn it lân fan Juda, mei it weidlân dêromhinne, ₄₁mar it boulân mei de útbuorrens fan ’e stêd kaam oan Kaleb, de soan fan Jefûnne. ₄₂Oan ’e neiteam fan Aäron kamen de frijstêd Hebron, Libna mei it weidlân, Jattir, Estemóa mei it weidlân, ₄₃Chilen mei it weidlân, Debir mei it weidlân, ₄₄Asjan mei it weidlân, Net-Sjêmesj mei it weidlân, ₄₅en yn ’e stam Benjamin: Geba mei it weidlân, Alêmet mei it weidlân en Anatot mei it weidlân. Sa hienen har famyljes mei-inoar trettjin stêden. ₄₆De oare Kehatiten krigen troch it lot foar elk stamhûs plak yn it gebiet fan ’e stammen Efraïm, Dan en heal Manasse; mei-inoar tsien stêden.

₄₇De Gersjomiten krigen foar har stamhuzen plak yn it gebiet fan ’e stammen Issaskar, Azer, Naftaly en Manasse-yn-Bazan; mei-inoar trettjin stêden.

₄₈De Merariten krigen troch it lot foar har stamhuzen plak yn it gebiet fan ’e stammen Rûben, Gad en Sebûlon; mei-inoar tolve stêden.

₄₉De Israeliten joegen dy stêden mei it weidlân oan ’e Leviten. ₅₀Se joegen har troch it lot ek plak yn it gebiet fan ’e stammen fan ’e Judeeërs, fan ’e Simeoniten en fan ’e Benjaminiten; en wol dy stêden dy’t mei namme neamd binne.

₅₁Oan ’e stamhuzen fan ’e Kehatiten – dy har stêden wienen útlotte yn ’e stam fan Efraïm – ₅₂joegen se de frijstêd Sichem mei it weidlân yn ’e bergen fan Efraïm; fierders Gêzer mei it weidlân, ₅₃Jokmeäm mei it weidlân, Bet-Choaron mei it weidlân, ₅₄Ajalon mei it weidlân, en Gat-Rimmon mei it weidlân. ₅₅Yn it gebiet fan ’e heale stam Manasse joegen se Aner mei it weidlân en Bileäm mei it weidlân oan ’e stamhuzen fan ’e oare Kehatiten.

₅₆Oan ’e Gersjomiten joegen se foar har stamhuzen yn it gebiet fan ’e heale stam Manasse: Golanyn-Bazan mei it weidlân en Asjtarot mei it weidlân. ₅₇Yn it gebiet fan ’e stam Issaskar: Kêdesj mei it weidlân, Daberat mei it weidlân, ₅₈Ramot mei it weidlân en Anem mei it weidlân. ₅₉Yn it gebiet fan ’e stam Azer: Masjal mei it weidlân en Abdon mei it weidlân. ₆₀Chûkkok mei it weidlân en Rechob mei it weidlân. ₆₁Yn it gebiet fan ’e stam fan Naftaly: Kêdesj-yn-Galiléa mei it weidlân, Chamin mei it weidlân en Kirjataïm mei it weidlân.

₆₂Oan de oare Merariten joegen se yn it gebiet fan ’e stam Sebûlon: Rimmono mei it weidlân en Tabor mei it weidlân. ₆₃Oare kant de Jordaan foar Jericho oer, east fan ’e Jordaan yn it gebiet fan ’e stam Rûben: Bêser-yn-’e woestyn mei it weidlân. ₆₄Kedemot mei it weidlân en Mefaät mei it weidlân. ₆₅Yn it gebiet fan ’e stam Gad: Ramot-yn-Gileäd mei it weidlân en Machanaïm mei it weidlân. ₆₆Chesbon mei it weidlân en Jazer mei it weidlân.