Psalmen 120
Yn it lân fan leagen en laster
1Beafeartsliet.
Ik rôp de Heare oan yn myn need
en Hy hat my antwurd jûn.
2O Heare, rêd ek no myn libben
fan ’e lippe, dy’t liicht
en fan ’e tonge dy’t rabbet.
3Wat sil er dij jaan
en wat derop ta dwaan,
do rabjende tonge?
4Skerpe pylken fan in strider
of de gleonens fan in baarnende jeneverstrûk.
5It is in griis dat ik yn Mêsjek bedarre bin,
my nei wenjen sette by de tinten fan Kedar.
6Te lang al haw ik wenje moatten
by minsken dy’t fan frede neat witte wolle.
7Ik wol frede en al sis ik dat,
hja binne út op oarloch.
© 1978 Nederlands Bijbelgenootschap
