Psalmen 113

₁Halleluja.

Loovje, tsjinners fan ’e Heare,

loovje de namme fan ’e Heare.

₂Heech te priizjen is de namme fan ’e Heare

fan no ôf oant yn ivichheid.

₃Fan it uterste easten oant it fierste westen

is de namme fan ’e Heare te loovjen.

₄Boppe alle folken is de Heare ferheven

en syn hearlikheid is boppe de himel.

₅Wa is as de Heare, ús God,

yn ’e himel of op ’e ierde?

₆Dy’t yn ’e hichte syn troan hat

en yn ’e lichte delsjocht,

₇dy’t de swakke oerein helpt út it stof

en de earme omheech hellet út it slyk,

₈dy’t him plak jout njonken eallju,

njonken de eallju fan syn folk,

₉dy’t de ûnfruchtbere hûsfrou wenje lit

as in blide mem-mei-bern.

Halleluja.