Jozua 12

₁Dit binne de keningen fan it lân dy’t de Israeliten ferslein hawwe, en waans lân se yn besit nommen hawwe, oan ’e oare kant de Jordaan yn ’t easten, fan ’e beek Arnon ôf oan de berch Hermon ta en de hiele flakte nei it easten ta: ₂Sichon, de kening fan ’e Amoriten dy’t yn Chesjbon wenne en regearre fan Aroër ôf, dat oan ’e beek Arnon leit, fan it midden fan ’e beek oer heale Gileäd, oan ’e beek Jabbok, de grins fan ’e Ammoniten ta, ₃en oer de flakte oan ’e see fan Kinerot nei it easten ta en fan ’e Sâltsee nei it easten ta de kant út fan Bet-Jesimot en súd fan ’e foet fan ’e skeanten fan ’e Pisga ôf. ₄Ek it gebiet fan Og, de kening van Bazan, ien fan ’e lêsten fan ’e Refaïten, dy’t wenne yn Asjtarot en yn Edreï. ₅Hy regearre oer it berchlân fan ’e Hermon, oer Salka en oer hiele Bazan oant it gebiet fan ’e Gesûriten, de Maächatiten en heale Gileäd, it gebiet fan Sichon, de kening fan Chesbon, ta. ₆Mozes, de tsjinstfeint fan de Heare, en de Israeliten hawwe har ferslein en Mozes, de tsjinstfeint fan de Heare, joech it yn besit oan ’e Rûbeniten, de Gaditen en de heale stam fan Manasse.

₇En dit binne de keningen dy’t Jozua mei de Israeliten ferslein hat oan ’e westkant fan ’e Jordaan, fan Baäl-Gad, yn ’e delling fan ’e Libanon ôf oan ’e Keale Berch, dy’t oprint nei Seïr, ta. Jozua joech it oan ’e stammen fan Israel yn besit, elk syn part, ₈yn ’t berchlân, yn ’t leechlân, yn ’e flakte, op ’e berchskeanten, yn ’e woestyn en yn ’t Suderlân: De Hetiten, de Amoriten, de Kanaäniten, de Perizziten, de Chiwwiten en de Jebûsiten: ₉de kening fan Jericho: ien; de kening fan Ai, besiden Bet-El: ien; ₁₀de kening fan Jeruzalem: ien; de kening fan Hebron: ien; ₁₁de kening fan Jarmût: ien; de kening fan Lakisj: ien; ₁₂de kening fan Eglon: ien; de kening fan Gêzer: ien; ₁₃de kening fan Debir: ien; de kening fan Gêder: ien; ₁₄de kening fan Chorma: ien; de kening fan Arad: ien; ₁₅de kening fan Libna: ien; de kening fan Adûllam: ien; ₁₆de kening fan Makkeda: ien; de kening fan Betel: ien; ₁₇de kening fan Tappûach: ien; de kening fan Chefer: ien; ₁₈de kening fan Afek: ien; de kening fan Lasjaron: ien; ₁₉de kening fan Madon: ien; de kening fan Hazor: ien; ₂₀de kening fan Sjimron Meron: ien; de kening fan Aksjaf: ien; ₂₁de kening fan Taänak: ien; de kening fan Megiddo: ien; ₂₂de kening fan Kêdesj: ien; de kening fan Jokeäm by de Karmel: ien; ₂₃de kening fan Dor, by de hichte fan Dor: ien; de kening fan Goïm by Gilgal: ien; ₂₄de kening fan Tirsa: ien; mei-inoar ienentritich keningen.